Sertifikasiya ilə bağlı

Əziz  və  hörmətli  həmkarlarım
İnternet  üzərindən  sertifikasiya,  nə  bilim  filan  fənlərdən  suallar,  filan qədər  sual  sayı,  filan  qədər  saat  ayrılacaq  kimi  yanlış  informasiyalar  yayılır.  İNANMAYIN!  Bunlar  hamısı  şayiədir.  Səbrli olub  gözləyin.  Təhsil  Nazirliyi  hələ  ictimaiyyətə  sertifikasiyanın hansı  formada  həyata  keçirilməsi ilə  bağlı  heç  bir  məlumat  verməyib və  həyata  keçirilməsi  ilə  bağlı  heç bir  qaydanı  təsdiqləməyib.

Sadəcə  özünüzü  təkmilləşdirin.  Bunun  üçün  hər  hansısa bir  sertifikasiyaya  ehtiyac  yoxdur.  Müəllim  xüsusən  21 ci  əsr  müəllimi  daim  yenilikçi  olmalı  və  öz  üzərində  çalışmalıdır.  Bunu  məcburiyyət  olaraq  yox,  dövrün  tələbi  olaraq  qəbul  etmək  lazımdır.  21  ci əsrin əsas  xüsusiyyətindən  biri  ömür boyu  oxumaq  ehtiyacının  yaranmasıdır.  Bu  yalnız  müəllim  peşəsinə  aid  deyil.  Həkimi,  iqtisadçısı,  biznesmeni,  aşbazı, fəhləsi   və sair  fərqi  yoxdur.  Yenilikləri  öyrənməyən  ustanı  kimsə  işlətməz,  yeni  yeməklər  bişirməyi  bacarmayan  aşbazı,  yeni  texnologiyaları  bilməyən,  tibbə  gələn  ən  son  yenilikləri  bilməyən  həkim  işləyə  bilməz.  Müəllim  isə  bu  peşələrin  ən  üstünüdür.  Çünki  digər  peşə  sahiblərini  öyrədəndir.  O zaman  müəllim  niyə  öyrənməməlidir?  Niyə  özünü  inkişaf  etdirməməlidir?
21  ci  əsr  müəllimi  nələri  bilməlidir?  Mən  deyim  sizə. ..
1. İxtisasını
2. Yüksək  medotlarla  silahlanmalı  və  metodoloji  qabiliyyətləri  olmalı
3.  Yüksək Pedoqoq  qabiliyyətlərinə malik  olmalı
4. Hər  bir  şagirdə  yanaşma  psixologiyasını
5. Kollektiv, rəhbərlik,  valideynlərlə  əməkdaşlıq  psixologiyası
6. İnformasiya Kommunikasiya Texnologiyalarından  istifadəni
7. Kamil  olmalı  və  nümunə  olmağı  bacarmalı
8. Yüksək  dünyagörüşə  malik  olmalı  və  təhlil  gücü  olmalı
9. Yaradıcı  düşünə  bilməli
10.  Natiqlik və  aktyorluq  ( ekspressiv ) qabiliyyətinə malik  olmalı
Bu  istiqamətlərdə özünüzü  hazırlasanız  ölkədə  heç  sertifikasiyaya  gərək  qalmaz  😉
Mən,  sən,  o,  bir  başqası  hər  birimiz övladımızı  belə  müəllimə  həvalə  etmək  istəyərik.
Canımız ağrıyanda "Yaxşı  həkim" axtarırıq,  restorana gedəndə  "dadlı  yemək ", ev  tikdirəndə  " son  yenilikçi  və  kreativ  usta ".......bəs  özümüz  bunu arzu  edəcək  qədər  inkişaf  edirikmi?
#leylabayramova
Hörmətlə,
Leyla  Bayramova