Müəllifin fəaliyyəti

Leyla Bayramova Ağdaş rayonunda anadan olmuşdur. Ağdaş şəhər 2 nömrəli tam orta məktəbi bitirdikdən sonra Azərbaycan Dövlət Pedoqoji Universitetinin  Tarix fakultəsinə qəbul olmuşdur.  Universiteti bitirib bir  il fasilədən sonra Azərbaycan Dövlət Universitetinin magistratura pilləsində  Tarixin və eləcədə də Tədrisin metodologiyası və metodikası (kurikulumları) fakultəsinə qəbul olmuşdur. Magistratura təhsilini başa vurduqdan sonra ixtisası üzrə Azərbaycan Milli Elmlər Akademiyasının dissertatura pilləsinə qəbul olmuş, hal- hazırda təhsilini dissertant kimi davam etdirir.

            13 il ümumi pedoqoji təcrübəyə, 8 il təlimçilik təcrübəsinə malikdir. Hələ magistratura pilləsinin ilk ilində təhsil alarkən Təhsil Nazirliyinin xətti  və Mədəd Azərbaycan MMC, İTE  MMC-nin, TİPİİ-nin dəstəyi ilə Respublikada həyata keçirilən çoxsaylı  layihələrin (“ İxtisasartırma xidmətindən keçmiş müəllimlər və inzibati-idarəetmə heyətinin İKT –nin tədrisdə tətbiqini dəstəkləmək məqsədi ilə stajkeçmə (mentorluq) xidmətinin təşkili” , “ Tədris prosesində Promethean interaktiv texnologiyalardan istifadə”, " Şagirdlərin oxuyub anlama bacarıqlarının inkişaf etdirilməsi" , “Oxu strategiyalarının inkişaf etdirilməsi”, “Activ İnspire Promethan lövhələrin təhsilə tətbiqi”, “İntel Gələcək üçün Təhsil Layihə metodikası”, edilmiş “Fənlər Üzrə Elektron Təhsil Resursları”, “İKT  üzrə  savadlılığının artırılması”, “ASM  müəllimlər üçün Məktəb İdarəetmə Proqramı”, Elektron təhsil resursların yaradılması, “Səhiyyə işçilərinin İT sahəsində təkmilləşdirilməsi”,  “Smart Technologies” Məktəb müəllimləri və təhsil müəsisələrinin işçiləri üçün “Dymo/Mimio İnteraktiv Texnologiyaları ilə tədris” , “Milli Təhsil Məlumat Bazasının doldurulması”, “Həmkardan Həmkara Dəstək layihəsi, “Müəllimlərin Peşəkarlıq Səviyyəsinin Təkmilləşdirilməsi”, 5-7-ci siniflərdə dərs deyəcək tarix müəllimləri üçün yeni fənn kurikulumlarının tətbiqi, “Yeni Kurikulumun tədris edilməsi (5-9-cu siniflər) və Fəal Təlim”, “Ümumi Təhsildə Kurikulum İslahatı və Onun İdarə Olunması”, Azərbaycan Respublikası Təhsil Nazirliyinin və Beynəlxalq Qiymətləndirmə (PİRLS) üzrə məsul şəxs kimi fəaliyyət, “ İxtisasartırma xidmətindən keçmiş müəllimlər və inzibati-idarəetmə heyətinin İKT –nin tədrisdə tətbiqini dəstəkləmək məqsədi ilə stajkeçmə (mentorluq) xidmətinin təşkili” layihəsində mentor, “ Şagirdlərin oxuyub anlama bacarıqlarının inkişaf etdirilməsi üçün müəllimlərin hazırlanması proqramı” və s) təlimçisi olmuş, hal-hazırda da mentor-təlimçi kimi fəaliyyətini davam etdirir.

3 dəfə “Elektron Təhsil” müsabiqəsinin qalibi, 1 dəfə “İlin ən yaxşı müəllimi” müsabiqəsinin, 1 dəfə “Ən yaxşı yazı”, 1 dəfə “Ən yaxşı bloq” , “Təhsildə İnteraktiv texnologiyalar-2014” və s müsabiqələrinin qalibi olmuşdur.

Kurikulum üzrə vəsaitin, 10-cu sinif tarix dərsliyi üçün yazılmış metodik vəsaitin, ixtisası ilə əlaqəli, sayt, qəzet və jurnallarda çoxsaylı elmi və metodiki  məqalələrin müəllifidir.

Hal –hazırda fəaliyyətini İTE (İnnovativ Texnologiyalar Əlavə Tədris Mərkəzi) və MHM tədris mərkəzində müəllim hazırlığı istiqamətində davam etdirir.