Əsl ustad necə olmalı?

Ümumilikdə 13 il  pedoqoji  stajım  var  ki,  bunun  13 ili şagird  hazırlığı və  tədrisi,  9 ilini  müəllim  hazırlığı  ilə  məşğul olmuşam.  Bütün tələbəm  və  müdavimim  olan  şəxslər  qeyd  edərlər  ki,  heç  bir  zaman  başa  düşdünüz?  Anladınız?  Deyə  şagirdlərə  sual  verməmişəm.  Bunu  özümə  ayıb  və  qarşı  tərəfi  əzmək  kimi  başa  düşmüşəm.  Çünki  bu  ifadəni  kimsə  mənə  qarşı  işlətsə  mən  onu  qəbul  etmərəm.  Hər  zaman " izah  edə  bildimmi?"  Və  "Fikrimi  ifadə  edə  bildimmi? " deyə  sual  verirəm. Məncə  bu insanın  daxilindən  gələn  cümlədir.  Mən  hər  zaman  deyirəm ki,  müəllim  olunmur,  müəllim  doğulur.  Bir  insanın  müəllimlik  qanında  olmalı,  canında  olmalı,  duyğularında,  hislərində  olmalı. ..müəllimlik  yüksək  nəzəriyyə  bilgisi  ilə  olunmaz,  ustadlıq  alimliklə  ölçülməz.
F.  adında  bir  kimya  müəllimim  vardı,  M. adında  da  bir  fizika müəllimim. ..
Onları  heç  sevmədim.  İnsan  kimi  gözəl  insan  ola  bilərdilər, çox  savadlı  ola  bilərdilər , universitetə  yüksək balla daxil olan  şagirdləri ola bilərdi  amma  yaxşı  ustad  deyildilər.  Heç  vaxt  da  olmadılar  mənə  görə. ...
11 il  oxuduğum  sinfin  əlaçı  şagirdi  olmuşam.  Amma  buna  baxmayaraq  onların  sinifdə şagirdləri  əzən  ifadələri həmişə  qəlbimə  toxunub  və  onlara  nifrət  etmişəm.  Fizika  müəllimi  dərsi  izah  edirdi,  hər  5 dəqiqədən  bir  "qoyun  sürüsü yığılıb  bura " deyə hamını  təhqir  edirdi.  Beləcə  ilk  fizikanın  əsasını belə  desək  bünövrəsini  qoyan  fizika  müəllimim  sayəsində  11 il  fizikanı  qiymət  xatirinə  sevmədən  və  anlamadan  oxudum. Öyrəndim  yox  haa  oxudum))
Kimya  müəllimimiz  isə  şəxsi  prinsipləri  olan  adam  idi. Ləzgi  idi milliyətcə. .Bir  zamanların  məşhur  pop  star  verilişi  vardı.  Gələrdi sinifə,  4 qız  vardı  ki,  onların  evində  krosna  antena vardı.  Bizdə  isə  yox.  Atam  almırdı  ki,  dərslərimizə  diqqəti  daha  çox  ayıraq.  Sinifə  girəndən  o 4 qızı  ön  sıraya  keçirər  və  dünənki  pop  stardan  danışardı.  Qiymət  vaxtı  çatanda  isə  onlara  5 digər  uşaqlara  aşağı  qiymət  yazar  və  sözün  əsl  mənasında  qiymət  kəsərdi.  Beləcə  mən  də  onun  dərslərini  oxumamağa  başladım. Bir  gün  sinifdə qiymətimi  kəsəndə  sözümü  deyib   gözləri  qarşısında kimya  kitabını  cırıb,  altıma  qoyub  oturdum  ☺ Sinif  rəhbərimiz  evə  zəng  etmişdi.  Sağ  olsun  anam  uşaqlıqdan  məni  ağıllı  qızı  hesab  edib.  Uşaqlıqdan  öz güvənli  böyütmüşdü  məni  o cümlələri  ilə. ... sinif  rəhbərimə  də  demişdi  ki,  mənim  qızım  ağıllıdır  səbəbsiz  heç  vaxt  elə  hərəkət  etməz.  Hətta  qeyd  edim  ki,  11 ci sinfin  sonunda  kimya  imtahanından  imtina  etmiş  və  imtahana  girməmişdim. . Bütün fənlərdən  5 aldım  yalnız  attestatımda  4 kimyadan  yazıldı.  İmtahana  girmədiyim  halda  əlaçı  olduğum  üçün  rəhbərlik  5 yazmağı  planlayırdı.  Dedim  yazmayın  4 yazın.  Ömür  boyu  unutmayacağım  və  nümunə  danışacağım  səbəbim  olsun
Bəlkə  də  o müəllimlərin  mənə  qazandırdığı  bir  tək  əsl  ustad  belə  olmaz  təcrübəsi  oldu.  Həyatımda  ən  çox  iz  buraxan  2 müəllim.  Əslində  baş  ağrısı  olmasın  deyə  çox  yazmadım.  Oxuduğum  müəissədə  tələbəni  əzən  müəllimlərim  çox  idi.  Hətta  ibtidai  sinif  müəllimim  belə  yerlibazlıq  (həmkəndlisi) edirdi )) varlı  uşaqlar  və  öz yerlilərinə  verdiyi  dəyər  digərlərindən  daha  üstün  idi.  Bəlkə  də ilk təbəqələşmə  anlayışını  da  ondan  öyrəndim.  
Ustadlıq  sevgidir,  ustadlıq  mərhəmətdir.  Ustadlıq  övladın  kimi  görmək  və  yanaşmaqdır. ...bu  gün  o müəllimlərin  adını  açıq aşkar  yazmadım  çünki  oxuyanda  özlərini  tanıyacaqlar.  Adlarını  yazsam  məni uşaqlıqdan tanıyan hamı tanıyacaqdı. .. gec  deyil.  Həm  onlar,  həm  də özünü  burda  görən  əziz  müəllimlər. .. hamı  alim  olmaz  və  ya hamı  sizin  istədiyiniz  kimi  olmaz.  Yanaşma  bu  və  ya buna  bənzərdisə  dəyişmək  lazımdır. YA USTAD  OL  YA DƏYİŞ  PEŞƏNİ
P.S Məncə  bu  adi söhbət  edən  insanlar  arasında münasibət zamanı  da  əks  olunmalı,  nəinki  ustadlıqda.  Ən  əsası  əsl  insan  olaq

Hörmətlə,
Leyla  Bayramova
#leylabayramova